تکبیر نیوز — مڈلزبرو:
برطانیہ کے علاقے کولبی نیوہم (Coulby Newham) میں مبینہ طور پر ہتھیاروں سے لیس افراد کی موجودگی کی اطلاع پر مسلح پولیس نے کارروائی کی، تاہم ملزمان موقع سے فرار ہونے میں کامیاب ہوگئے۔
کلیولینڈ پولیس کے مطابق منگل 30 جون کی صبح تقریباً 9:15 بجے دی مالارڈز (The Mallards) میں اطلاع ملی کہ چند افراد ہتھیار اٹھائے ایک گھر میں زبردستی داخل ہونے کی کوشش کر رہے ہیں۔
اطلاع ملتے ہی مسلح پولیس اہلکار موقع پر پہنچے، لیکن اس وقت تک مشتبہ افراد وہاں سے فرار ہو چکے تھے۔ پولیس نے علاقے میں سرچ آپریشن شروع کر دیا ہے اور ملزمان کی تلاش کے لیے مختلف مقامات پر چھاپے اور تفتیش جاری ہے۔
مڈلزبرو سی آئی ڈی کے ڈیٹیکٹو انسپکٹر کیسر ہیتھ نے کہا کہ ابتدائی تحقیقات کے مطابق یہ ایک ہدفی حملہ معلوم ہوتا ہے اور عام شہریوں کو کسی فوری خطرے کا سامنا نہیں ہے۔
انہوں نے کہا کہ پولیس سمجھتی ہے کہ اس واقعے سے مقامی آبادی میں تشویش پیدا ہو سکتی ہے، اسی لیے علاقے میں اضافی گشت جاری ہے اور شہری کسی بھی خدشے کی صورت میں اپنے مقامی پولیس افسران سے رابطہ کر سکتے ہیں۔