لیورپول: برطانیہ کے شہر لیورپول کے سٹی سینٹر میں ایک عمارت سے گرنے کے بعد ایک شخص جان کی بازی ہار گیا۔
مرسی سائیڈ پولیس کے مطابق یہ واقعہ منگل 4 اگست کی رات تقریباً 9 بجے ڈیوک اسٹریٹ (Duke Street) پر پیش آیا، جہاں اطلاع ملی تھی کہ ایک شخص عمارت سے گر گیا ہے۔
اطلاع ملنے پر پولیس اور نارتھ ویسٹ ایمبولینس سروس کے اہلکار فوری طور پر موقع پر پہنچے۔ شدید زخمی ہونے والے شخص کو طبی امداد دی گئی، تاہم پیرا میڈکس نے کچھ ہی دیر بعد موقع پر ہی اس کی موت کی تصدیق کر دی۔
پولیس کا کہنا ہے کہ ابتدائی تحقیقات کے مطابق واقعے کو مشتبہ نہیں سمجھا جا رہا۔ متوفی کے اہل خانہ کو اطلاع دے دی گئی ہے، جبکہ موت کی حتمی وجہ معلوم کرنے کے لیے پوسٹ مارٹم کرایا جائے گا۔
حکام کے مطابق جائے وقوعہ پر شواہد اکٹھے کرنے اور واقعے کے تمام پہلوؤں کا جائزہ لینے کے لیے تحقیقات جاری ہیں۔