برطانیہ: چیسٹر فیلڈ میں سڑک پر ڈکیتی، نقاب پوش ملزم سونے کی چین چھین کر فرار، پولیس کی اپیل

(تکبیر نیوز—- برطانیہ، ڈربی شائر) برطانیہ کے علاقے چیسٹر فیلڈ میں سڑک پر ڈکیتی کی واردات، نقاب پوش ملزم شہری سے سونے کی چین چھین کر فرار ہو گیا، پولیس نے گواہوں سے فوری مدد کی اپیل کر دی۔

Derbyshire Constabulary کے مطابق یہ واقعہ 29 اپریل کو شام تقریباً ساڑھے چار بجے ہائی فیلڈ لین، نیوبولڈ میں پیش آیا جہاں 30 سالہ شخص کو ایک نقاب پوش ملزم نے روکا اور اس سے سونے کی چین دینے کا مطالبہ کیا۔

پولیس کے مطابق ملزم نے زبردستی چین چھیننے کی کوشش کی جس پر دونوں کے درمیان ہاتھا پائی بھی ہوئی، تاہم ملزم چین چھین کر موقع سے فرار ہو گیا۔

حکام کا کہنا ہے کہ ملزم چانٹری ایونیو اور پیوریل روڈ کی جانب بھاگا جہاں سے وہ ایک مخصوص سیاہ اور سنہری رنگ کی مرسڈیز گاڑی میں فرار ہونے میں کامیاب ہوا۔

پولیس نے ملزم کی شناخت بتاتے ہوئے کہا ہے کہ وہ دبلا پتلا تھا، سیاہ جیکٹ، جوگرز اور جوتے پہنے ہوئے تھا جبکہ اس کے پاس ایک چھوٹا بیگ بھی تھا۔

پولیس ترجمان کے مطابق اس وقت علاقے میں کافی لوگ موجود تھے، اس لیے کسی بھی عینی شاہد یا ڈیش کیم فوٹیج رکھنے والے افراد سے رابطہ کرنے کی اپیل کی گئی ہے تاکہ ملزم کو جلد گرفتار کیا جا سکے۔

حکام نے شہریوں سے کہا ہے کہ وہ واقعے سے متعلق کسی بھی معلومات کے لیے پولیس ہیلپ لائن یا آن لائن پلیٹ فارمز کے ذریعے رابطہ کریں، جبکہ گمنام طور پر بھی اطلاع دی جا سکتی ہے۔