کارن وال (تکبیر نیوز) برطانیہ کے علاقے کارن وال میں موٹرسائیکل اور وین کے درمیان ہونے والے شدید ٹریفک حادثے میں 50 سالہ موٹرسائیکل سوار زندگی بدل دینے والی چوٹوں کا شکار ہو گیا۔
پولیس کے مطابق حادثہ جمعرات 9 جولائی کی رات تقریباً 8 بجے اے374 شاہراہ پر پولباتھک کے قریب، سینٹ جرمنز کے علاقے میں پیش آیا، جہاں موٹرسائیکل اور وین آپس میں ٹکرا گئے۔
حادثے کے نتیجے میں موٹرسائیکل سوار شدید زخمی ہو گیا، جسے فوری طور پر ہسپتال منتقل کیا گیا، جہاں اس کا علاج جاری ہے۔
حادثے کے بعد پولیس نے جائے وقوعہ پر شواہد اکٹھے کرنے اور تحقیقات مکمل کرنے کے لیے شاہراہ کو عارضی طور پر ٹریفک کے لیے بند رکھا، جس کے باعث آمدورفت متاثر رہی۔
ڈیون اینڈ کارن وال پولیس کے روڈز پولیسنگ یونٹ نے حادثے کے حوالے سے عینی شاہدین یا ایسے افراد سے اپیل کی ہے جنہوں نے واقعہ دیکھا ہو یا جن کے پاس ڈیش کیم فوٹیج موجود ہو، وہ پولیس سے فوری رابطہ کریں تاکہ تحقیقات میں مدد مل سکے۔
پولیس نے دورانِ تحقیقات سڑک بند رہنے پر عوام کے تعاون اور صبر کا بھی شکریہ ادا کیا۔