پشاور دھماکے میں جاں بحق افراد کی تعداد 100 ہوگئی

گزشتہ روز (30 جنوری 2023) کو پشاور پولیس لائنز کی مسجد میں عین اس وقت خودکش دھماکا ہوا تھا جب وہاں باجماعت نماز ظہر ادا کی جارہی تھی۔دھماکے میں جاں بحق ہونے والوں کی تعداد 100ہوگئی ہے، جن میں ڈی ایس پی عرب نواز، 5 سب انسپکٹرز، مسجد کے پیش امام اور ملحقہ پولیس کوارٹر کی رہائشی خاتون بھی شامل ہیں۔ترجمان لیڈی ریڈنگ اسپتال کے مطابق اسپتال میں 88 لاشیں لائی گئیں جبکہ 57 زخمی ابھی بھی زیرعلاج ہیں۔واقعے کے دوسرے دن صوبے بھر میں بالعموم اور پشاور میں بالخصوص سوگ کا سماں ہے، سڑکوں پر ٹریفک انتہائی کم ہے۔