مائیکل وان نے بھارت کے ممکنہ کپتان کا نام بتا دیا

14

انگلینڈ کرکٹ ٹیم کے سابق کپتان مائیکل وان نے کہا کہ اگر بھارت کو چند سالوں میں کسی کپتان کی ضرورت ہو تووہ ہردیک پانڈیا بن سکتا ہے۔

انگلینڈ کے سابق کپتان مائیکل وان نے ہردیک پانڈیا کو مستقبل کے ہندوستانی کپتان کے طور پر سراہا ہے جب انہوں نے پہلی بار گجرات ٹائٹنز کی قیادت میں آئی پی ایل ٹائٹل جیتا۔

ہردیک پانڈیا نے تین وکٹ اور ایک اہم 34 رنز کی اننگ کے ساتھ  ساتھ فرنٹ سے قیادت کی.

گجرات نے اتوار کو سابق چیمپئن راجھستان رائلز کو سات وکٹوں سے شکست دے کر 2022 کی آئی پی ایل ٹرافی جیت لی۔

ہردیک پانڈیا کو ان کی شاندار کارکردگی پر ‘پلیئر آف دی میچ’ قرار دیا گیا۔ اس سے پہلے، وریندر سہواگ اور روی شتری سمیت کئی دیگر سابق کھلاڑیوں نے آئی پی ایل 2022 میں ہردیک کی کپتانی کی تعریف کی۔

روہت شرما اس وقت تمام فارمیٹس میں بھارت کی کرٹ ٹیم کے کپتان ہیں، جنہوں نے ویرات کوہلی سے عہدہ سنبھالا ہے۔

28 سالہ ہردیک کی قائدانہ صلاحیتوں کو سابق اور موجودہ کھلاڑیوں نے سراہا جن میں ہندوستان کے سابق کپتان سنیل گواسکر اور جی ٹی ٹیم کے سرپرست گیری کرسٹن شامل ہیں۔

ہردیک نے آئی پی ایل میں 487 رنز بنائے اور 8 وکٹیں حاصل کیں، فائنل غیر متوقع طور پر یکطرفہ ثابت ہوا کیونکہ گجرات نے راجستھان رائلز کی ایک مضبوط بیٹنگ یونٹ کو نو وکٹ پر 130 تک محدود کر دیا۔

مزید پڑھیں:  کامران اکمل کا بابراعظم کو کپتانی چھوڑنے کا مشورہ

جواب چھوڑیں

آپ کا ای میل ایڈریس شائع نہیں کیا جائے گا.