ایم کیو ایم، پیپلز پارٹی ملاقات کی اندرونی کہانی سامنے آگئی

20

ایم کیو ایم وفد کی آصف زرداری سے ملاقات کی اندرکی خبرسامنے آگئی ہے۔

سابق صدرآصف علی زرداری سے ایم کیوایم پاکستان کے وفد کی بلاول ہاؤس میں ملاقات کی اندرونی کہانی بول نیوزنے حاصل کرلی ہے۔

ذرایع کا کہنا ہے کہ ایم کیوایم رہنماؤں نے آصف زرداری کوتحریری معاہدے سے متعلق یاددہانی کرائی۔ ملاقات میں ایم کیوایم نے شہری سندھ میں بلدیاتی افسران، بیوروکریسی سمیت ایڈمںسٹریٹر کراچی کے عہدے دینے پربھی بات کی ہے۔

ایم کیوایم نے سندھ کابینہ میں شمولیت سے متعلق وزارتوں کا معاملہ حل کرنے پرزوردیا، جب کہ پیپلزپارٹی کی جانب سے کراچی وحیدرآبادکے لیے نئے بجٹ میں خصوصی فنڈزمختص کرنے کی بھی یقین دہانی کرادی گئی۔

ذرائع کے مطابق ملاقات میں سندھ حکومت میں ایم کیو ایم پاکستان کی شمولیت اورصوبائی محکموں کے قلمدان، گورنرسندھ کی تقرری، بلدیاتی قوانین میں ترمیم سمیت میئرکواختیارات دینے سے متعلق مسودہ پربھی مشاورت کی گئی۔

ذرایع کا یہ بھی کہنا ہے کہ سابق صدرآصف زرداری کا کہنا تھا کہ ایم کیوایم پاکستان کی سندھ حکومت میں شمولیت سے صوبے میں عوامی خدمت اورترقی کا عمل تیزہوگا، پیپلزپارٹی تمام جماعتوں کے مینڈینٹ کا احترام کرتی ہے، ایم کیوایم اورپیپلزپارٹی وسیع ترقومی اورملکی مفاد میں تعاون جاری رکھیں گی۔

ملاقات میں ایم کیوایم رہنماؤں نے تمام ترحقائق کی روشنی میں کراچی اورحیدرآباد سمیت شہری سندھ کے مسائل حکم راں جماعت کے سامنے رکھے، ملاقات میں آئندہ عام انتخابات، بلدیاتی انتخابات اور بلدیاتی ایکٹ پربھی تبادلہ خیال کیا گیاجب کہ سابق صدرآصف علی زرداری نے ایم کیوایم پاکستان کے وفد کوتحریری معاہدے پرمکمل عمل درآمد کی یقین دہانی کرائی۔

مزید پڑھیں:  اسپتال میں ڈسپنسر کی مریضوں سے زیادتی، غیر اخلاقی ویڈیوز برآمد

جواب چھوڑیں

آپ کا ای میل ایڈریس شائع نہیں کیا جائے گا.