سونے کی قیمت میں تیسرے روز بھی بڑی کمی

جمعرات کے روز بین الاقوامی مارکیٹ میں سونے کی فی اونس قیمت میں 8 ڈالر کمی کے بعد قیمت 840 ڈالر فی اونس ہوگئی۔بین الاقوامی مارکیٹ کے زیر اثر مقامی صرافہ بازاروں میں جمعرات کو سونے کی فی تولہ قیمت میں 500 روپے کی کمی ہوئی، جس کے بعد سونے کی فی تولہ قیمت ایک لاکھ 40 ہزار 400 روپے ہوگئی۔اسی طرح 10 گرام سونا 430 روپے سستا ہو کر ایک لاکھ 20 ہزار 370 روپے ہوگیا۔خیال رہے کہ گزشتہ روز بھی سونے کی فی تولہ قیمت میں 1500 روپے کی کمی دیکھی گئی تھی۔دوسری جانب چاندی کی داموں میں بھی کمی دیکھی جارہی ہے اور مقامی صرافہ بازاروں میں ایک تولہ چاندی 30 روپے سستا ہوکر ایک ہزار 540 روپے جبکہ 10 گرام چاندی کی قیمت 25 روپے کمی کے ساتھ 1320 روپے ہوگئی۔