مصر؛ پولیس افسر نے خاتون رکن اسمبلی کو یرغمال بناکر زیادتی کا نشانہ بنا ڈالا

22

عرب میڈیا کے مطابق سابق پولیس افسر پارلیمنٹ کی سیکیورٹی پر مامور تھا اور اسی دوران رکن اسمبلی سے ملاقات ہوئی تھی۔ اس نے رکن اسمبلی کا اعتماد حاصل کیا اور ایک کاروباری شراکت داری کے لیے اپنے فلیٹ پر بلایا۔رکن اسمبلی فلیٹ پر پہنچیں تو پولیس افسر نے انھیں اسلحے کے زور پر یرغمال بنالیا اور تشدد کا نشانہ بنایا۔ اُس نے خاتون رکن اسمبلی کے ساتھ جنسی زیادتی بھی کی اور ویڈیو بھی بنائی۔
کسی طرح رکن اسمبلی کو فون کرنے کا موقع ملا تو انھوں نے چھوٹی بہن کو فون کرکے اپنے یرغمال بنائے جانے سے آگاہ کیا۔ پولیس نے فوری کارروائی کرتے ہوئے فلیٹ پر چھاپا مارا اور رکن اسمبلی کو زخمی حالت میں بازیاب کروالیا۔سابق پولیس افسر کو حراست میں لے لیا گیا جس پر جنسی زیادتی اور یرغمال بنائے جانے کی دفعات کے تحت مقدمہ چلایا جائے گا جس کی سزا پھانسی یا عمر قید ہوسکتی ہے۔

مزید پڑھیں:  پنجاب کے وزیرخزانہ کے انتخاب کا مشن مکمل نہ ہوسکا
جواب چھوڑیں

آپ کا ای میل ایڈریس شائع نہیں کیا جائے گا.