پولیس اور رینجرز کی مشترکہ کارروائی، دہشتگردی کی وارداتوں میں ملوث ملزم گرفتار

14

پولیس اور رینجرز کی مشترکہ کارروائی کے دوران دہشتگردی کی وارداتوں میں ملوث ملزم کو گرفتار کرلیا گیا ہے۔

تفصیلات کے مطابق سندھ  پولیس اور رینجرز کی جانب سے مشترکہ کارروائی کے دوران ٹارگٹ کلنگ سمیت دہشتگردی کی متعدد وارداتوں میں ملوث ملزم کو گرفتار کیا گیا ہے۔

اس حوالے سے ترجمان رینجرز کا کہنا ہے کہ گرفتار ملزم کی شناخت وسیم عرف وسیم باس سے کی گئی ہے جبکہ ملزم سے اسلحہ اور ایمونیشن بھی برآمد کرلیا گیا ہے۔

ترجمان نے بتایا کہ گرفتار ملزم وسیم باس ٹارگٹ کلنگ، بھتہ خوری کی متعدد وارداتوں میں ملوث رہا ہے جو کہ سال 2013 میں شروع ہونے والے آپریشن کے بعد ملک سے فرار ہوگیا تھا۔

ترجمان کا کہنا تھا کہ ملزم کو مزید قانونی کارروائی کے لئے پولیس کے حوالے کردیا گیا ہے۔

اسکے علاوہ پاکستان رینجرز (سندھ) اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے ٹارگٹ کلنگ میں ملوث ملزم صدیق بابا کو  بھی گر فتار کیا ہے۔

ترجمان نے بتایا کہ ملزم کے قبضے سے واردات میں استعمال ہونے والا اسلحہ بھی برآمد کر لیا گیا ہے۔

ترجمان کے مطابق ملزم اس سے پہلے بھی متعدد بار گرفتار ہوکر جیل جا چکا ہے اور ملزم کا ساتھی شیخ بلال ظفر فاروقی پہلے ہی رینجرز کے ہاتھوں گرفتار ہو چکا ہے جبکہ ملزم کے دیگر ساتھیوں کی گرفتاری کے لیے چھاپے مارے جا رہے ہیں۔

ترجمان کا کہنا تھا کہ گرفتار ملزم کوبمعہ اسلحہ مزید قانونی کارروائی کے لیے پولیس کے حوالے کر دیا گیا ہے۔

مزید پڑھیں:  طالبان دورمیں چین افغانستان میں سفیر تعینات کرنے والا پہلا ملک بن گیا

جواب چھوڑیں

آپ کا ای میل ایڈریس شائع نہیں کیا جائے گا.