امریکی صدر جو بائیڈن سائیکلنگ کے دوران گر پڑے
امریکی صدر جو بائیڈن سائیکل چلاتے ہوئے گر پڑے، تاہم انہیں کوئی چوٹ نہیں آئی۔
غیر ملکی خبر ایجنسی کے مطابق امریکی صدر جو بائیڈن سائیکل چلاتے ہوئے گر گئے لیکن اگلے ہی لمحے خود ہی اٹھنے کے بعد کہا میں بالکل ٹھیک ہوں۔
خیال رہے کہ امریکی صدر چھٹیاں گزارنے کے لیے ان دنوں ریاست ڈیلاویئر میں موجود ہیں، جہاں وہ اپنی اہلیہ کے ساتھ سائیکلنگ کر رہے تھے۔
New video emerges of Pres. Joe Biden’s bike crash in Delaware this morning. pic.twitter.com/4KMiQdr6XQ
— Election Wizard 🇺🇸 (@ElectionWiz) June 18, 2022
واضح رہے کہ جوبائیڈن امریکا کے 46 ویں صدر ہیں، انہوں نے سیاست کا آغاز امریکی ریاست ڈلاوئیر سے سنہ 1972 میں سینیٹ کے انتخابات میں کامیابی کے ساتھ ہوا تھا۔
انھوں نے اس وقت ریپبلکن پارٹی کے امیدوار کو غیر متوقع طور پر تھوڑے سے فرق کے ساتھ شکست دی تھی۔
سنہ 1988 میں انھوں نے صدارتی امیدواروں کی دوڑ میں بھی حصہ لیا تھا لیکن ایک برطانوی سیاستدان کی تقریر کا ایک اقتباس چرانے کے انکشاف کی وجہ سے وہ اس دوڑ سے الگ ہونے پر مجبور ہوگئے تھے۔
امریکی صدر جوبائیڈن امریکی تاریخ میں پانچویں کم سن ترین سینیٹر اور ڈلاوئیر کے طویل ترین عرصے تک سینیٹر رہنے والے شخص ہیں۔
انھوں نے سنہ 2007 میں صدارت کے امیدوار کی دوڑ میں حصہ لیا لیکن کم حمایت کی وجہ سے جلد ہی دستبردار ہوگئے۔