اوون کو لیموں سے صاف کرنے کی شاندار ٹپ! جانیے

مائیکروویو اوون یا الیکٹرک اوون آج کل ہر گھر کی ضرورت بن گیا ہے، بھاگتی دوڑتی زندگی میں بہت کم ایسے لوگ ہیں جن کے پاس اتنا ٹائم ہو کہ وہ چولہوں پر کھانا گرم کریں یا چولہوں پر بیکنگ کریں۔

اوون کا جب استعمال زیادہ ہو تو گندگی بھی زیادہ ہوتی ہے ایسے میں اوون کی صفائی کا خاص خیال رکھنا چاہیے۔

یہاں ہم اوون کی صفائی کا بہت جھٹ پٹ اور آسان سا حل پیش کر رہے ہیں۔

اوون زیادہ گندہ ہو جائے توسب سے پہلے اس کے اندرکی پلیٹ نکال کراس کو اچھی طرح ڈش واشنگ لیکویڈ یا صابن سے دھولیں ۔

اب ایک شیشے کے پیالے(ہیٹ پروف) میں ایک گلاس پانی لیں ، اس میں ایک لیموں کا رس نچوڑیں اور لیموں کے چھلکے بھی اسی میں ڈال دیں،اب اس کو اوون میں رکھ کر ایک منٹ تک اوون چلائیں۔

اب اس پیالے کو نکال لیں اور اس گرم پانی میں کوئی تولیہ یا کپڑا بھگو کراس سے اوون کی دیواروں کو پونچھ لیں۔

بالکل آسانی سے ساری چکنائی اور داغ دھبے صاف ہو جائیں گے اور آپ کا اوون نیا جیسا ہو جائے گا۔