سندھ کابینہ نے 1.71 ٹریلین روپے کا ٹیکس فری بجٹ منظور کر لیا

18

صوبہ سندھ کی کابینہ نے 23-2022ء کے لیے 1.71  ٹریلین روپے کا ٹیکس فری بجٹ منظور کر لیا۔

وزیرِ اعلیٰ سندھ سید مراد علی شاہ کی زیرِ صدارت صوبائی کابینہ کا اجلاس منعقد ہوا، اجلاس میں تمام صوبائی وزراء، مشیر، معاونینِ خصوصی، چیف سیکریٹری، پرنسپل سیکریٹری اور دیگر متعلقہ افسران شریک ہوئے۔

اجلاس سے خطاب کرتے ہوئے صوبہ سندھ کے وزیرِ اعلیٰ مراد علی شاہ نے کہا کہ یہ غریبوں کا بجٹ ہے، جس میں سماجی تحفظ اور معاشی استحکام کے لیے اقدامات کیے گئے ہیں۔

انکا یہ بھی کہنا تھا کہ یہ بہترین بجٹ کابینہ اراکین اور اسٹاک ہولڈرز کی معاونت سے بنایا گیا ہے۔

اجلاس کے دوران صوبائی وزیر گیانچند اسرانی نے کابینہ سے کوہستان میں صحت کی سہولتوں کے لیے خصوصی پیکیج دینے کی استداء بھی کی۔

مزید پڑھیں:  ن لیگ کی سابق سینیٹر بیگم نجمہ حمید انتقال کرگئیں
جواب چھوڑیں

آپ کا ای میل ایڈریس شائع نہیں کیا جائے گا.