حضرت محمد ﷺ کی شان میں گستاخی، عرب ممالک میں ’بائیکاٹ انڈیا‘ کی مہم

35

بھارت میں بی جے پی ترجمان کی حضرت محمد ﷺ کی شان میں گستاخی کے بعد عرب ممالک میں ’بائیکاٹ انڈیا‘ کی مہم چل پڑی ہے۔

خبر رساں ادارے کی رپورٹ کے مطابق بھارتی حکمراں جماعت بی جے پی کی ترجمان کی جانب سے نبی آخری الزمان حضرت محمد ﷺ کی شان میں گستاخی کی گئی ہے جس کے بعد بھارتی شہروں میں احتجاج اور ہنگامہ آرائی شروع ہوگئی ہے۔

یہ بھی پڑھیں: توہینِ رسالت ﷺ: بی جے پی کی نوپور شرما معطل، نوین کمار پارٹی سے بے دخل

رپورٹ کے مطابق نبی آخری الزمان ﷺ کی شان میں گستاخی کے خلاف عرب ممالک میں ’بائیکاٹ انڈیا‘ کی مہم شروع ہوگئی ہے جس کے بعد بھارت سے درآمد اشیاء کو ان ممالک کے سپر اسٹورز سے بھی ہٹادیا گیا ہے۔

میڈٰیا رپورٹس کے مطابق سعودی عرب سمیت مصر، قطر، بحرین اور کویت میں بھارت سے در آمد شدہ اشیاء استعمال نہ کرنے کی اپیل کی جارہی ہے جبکہ قطر نے دوحہ میں بھارتی سفیر کو طلب کرکے گستاخانہ بیان پر شدید احتجاج ریکارڈ کروایا ہے۔

 

دوسری جانب عمان کے مفتی اعظم احمد بن حمد الخلیلی نے بھی بھارتی اشیاء کے بائیکاٹ کی اپیل کی ہے، عمان کے مفتی اعظم کا کہنا تھا کہ بی جے پی ترجمان کا یہ اقدام ہر مسلمان کے خلاف ہے لہذا اس پر مشرق سے مغرب تک تمام مسلمانوں کو ایک ہونا چاہیے۔

واضح رہے کہ بی جے پی کی ترجمان نوپور شرما نے بھارتی چینل کے پروگرام میں اسلام اور پیغمبر اسلام حضرت محمد ﷺ کے حوالے ہزرہ سرائی کرتے ہوئے متنازع گفتگو کی تھی۔

مزید پڑھیں:  پنجاب:نکاح نامےمیں ختم بنوت ﷺ کی شق شامل،خلاف ورزی پر جرمانہ و سزا

بی جے پی کی ترجمان کی جانب سے گستاخانہ بیان کے بعد بھارت اور اسلامی ممالک میں بھی شدید غم و غصہ پایا جارہا ہے جس پر کئی اسلامی ممالک نے بھارت سے اپنا احتجاج بھی ریکارڈ کروایا ہے۔

بعد ازاں شدید ردعمل سامنے آنے کے بعد بی جے پی نے اپنی ترجمان نوپور شرما کی بنیادی رکنیت معطل کردی ہے اور دہلی میں بی جے پی کے میڈٰیا انچارج نوین کمار جندال کو بھی گستاخانہ ٹوئٹ پر پارٹی کی بنیادی رکنیت سے معطل کردیا گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.