بھارتی حکام کے گستاخانہ بیانات؛ او آئی سی کا شدید اظہارِمذمت

ریاض ( تکبیر نیوز ) سلامی تعاون تنظیم نے نبی کریم ﷺ کے شان اقدس میں گستاخانہ بیانات پر مودی سرکار پر تنقید

16

عالمی خبر رساں ادارے کے مطابق 57 اسلامی ممالک کی نمائندہ تنظیم ’’ او آئی سی‘‘ نے آقائے دوجہاں حضرت محمد صلی اللہ علیہ وآلہ وسلم کی شان میں بی جے پی کے رہنماؤں کے گستاخانہ بیانات کی شدید الفاظ میں مذمت کی ہے۔او آئی سی کی جانب سے جاری بیان میں مزید کہا گیا ہے کہ بھارت کی حکمراں جماعت کے رہنماؤں کے توہین آمیز بیانات ایسے موقع پر سامنے آئے ہیں جب پہلے ہی بھارت میں مسلم دشمنی، منظم پابندیوں اور بدسلوکی میں اضافہ ہو رہا ہے۔اسلامی تعاون تنظیم کے بیان میں خاص طور پر بھارت کے تعلیمی اداروں میں حجاب پر پابندی کے فیصلے سمیت مسلمانوں کی املاک کی مسماری اور مذہب کی بنیاد پر تشدد میں اضافے پر تشویش کا اظہار بھی کیا۔واضح رہے کہ بی جے پی کی ترجمان نوپور شرما اور ایک اور رہنما نوین کمار جندال نے نبی کریم ﷺ کے بارے میں توہین آمیز کلمات ادا کیے تھے جس پر دنیا بھر میں احتجاج کیا گیا اور بی جے پی کو ترجمان سے استعفیٰ لینا پڑا

مزید پڑھیں:  ایف آئی اے نے چیئرمین پی ٹی آئی کے وکیل خواجہ حارث کو طلب کرلیا
جواب چھوڑیں

آپ کا ای میل ایڈریس شائع نہیں کیا جائے گا.