پانی بھرنے کیلیے خاتون نے زندگی داؤ پر لگادی، ویڈیو وائرل

پانی بحران صرف پاکستان میں ہی نہیں بھارت میں لوگوں پانی جیسی بنیادی ضرورت سے محروم ہیں جس کی ایک مثال ویڈیو میں دیکھی جاسکتی ہے۔

بھارت میں ایک ویڈیو وائرل ہوئی ہے جس میں ایک خاتون کو پانی کے حصول کے لیے کنویں کی دیوار پر چڑھتے ہوئے دکھایا گیا ہے۔

یہ بھی پڑھیں:شاہد آفریدی کا حمید شیرازی کے علاج کیلئے 20 لاکھ روپے دینے کا اعلان

ریاست مدھیہ پردیش کی اس ویڈیو سے وہاں پانی کی شدید کمی کی عکاسی ہوتی ہے۔

ویڈیو میں دکھایا گیا ہے کہ کس طرح ایک خاتون رسی یا کسی سہارے کے بغیر دیوار پر اسپائیڈر مین کی طرح چڑھ رہی ہے۔

یہ ویڈیو مدھیہ پردیش کے ایک گاؤں غوثیہ کی ہے جہاں کنویں اور تالاب سوکھ جانے کے بعد لوگ پانی کے حصول کے لیے ہر ممکن کوشش کررہے ہیں۔

#WATCH | Madhya Pradesh: People in Dindori’s Ghusiya village risk their lives to fetch water from an almost dry well pic.twitter.com/jcuyLmE5xL

— ANI MP/CG/Rajasthan (@ANI_MP_CG_RJ) June 2, 2022

وہاں کے رہنے والوں نے مقامی میڈیا سے بات کرتے ہوئے بتایا کہ ہمیں کنویں میں اتر کر پانی حاصل کرنا پڑتا ہے۔

ان کا کہنا تھا کہ علاقے میں 3 کنویں ہیں مگر سب ہی لگ بھگ خشک ہوچکے ہیں، پانی کا ہینڈپمپ بھی نہیں۔

انہوں نے بتایا کہ سرکاری ملازمین اور سیاسی رہنما انتخابات کے دوران یہاں آتے ہیں مگر اس سال ہم نے پانی کی مناسب فراہمی تک الیکشن کا بائیکاٹ کرنے کا فیصلہ کیا ہے۔