سویڈن کا یوکرین کے لیے سو ملین ڈالر امداد کا اعلان

33

سویڈن نے یوکرین کے لیے سو ملین ڈالر کی امداد کا اعلان کیا ہے۔

غیر ملکی خبر رساں ادارے کے مطابق سویڈن نے جمعرات کو یوکرین کے لیے سو ملین ڈالر کی اضافی امداد کا اعلان کیا ہے۔ جس میں مالی امداد اور فوجی سازوسامان بشمول اینٹی شپ میزائل اور اینٹی ٹینک لانچرز شامل ہیں۔

اس تناظر میں وزیر دفاع پیٹر ہولٹکوسٹ پریس کانفرنس میں صحافیوں کو بتایا کہ اب ہم روسی حملے کا ایک نیا مرحلہ دیکھ رہے ہیں، جہاں (روس) مشرقی اور جنوب مشرقی یوکرین میں طاقت جمع کر رہا ہے۔

ڈیمبرگ نے کہا کہ اسکینڈینیوین ملک اپنی مسلح افواج کے لیے یوکرین کے مرکزی بینک کے فنڈ کی مد میں 578 ملین کرونر، یوکرین کی مسلح افواج کی مدد کے لیے نیٹو کے فنڈ میں 60 ملین کرونر، اور 262 ملین کرون مالیت کا فوجی سازوسامان فراہم کرے گا۔

واضح رہے، ملٹری میٹریل سویڈن کے اینٹی شپ میزائل سسٹم روبوٹ 17 پر مشتمل ہے جو کہ یو ایس ہیل فائر میزائل سسٹم کا تبدیل شدہ ورژن ہے، نیز 5000 اینٹی ٹینک لانچرز اور AG 90 اسالٹ رائفلز اور گولہ بارود بھی اس میں شامل ہیں۔

پیٹر ہولٹکوسٹ نے کہا، “یہ یوکرین کی درخواست کے مطابق اہل سامان ہے۔”

یاد رہے، سویڈن نے ہمسایہ ملک فن لینڈ کے ساتھ مل کر مئی میں نیٹو میں شمولیت کے لیے تاریخی مشترکہ درخواستیں جمع کر کے کئی دہائیوں پر محیط فوجی عدم اتحاد کو ختم کر دیا، کیونکہ یوکرین پر روس کے حملے کے بعد دونوں ممالک میں رکنیت کی حمایت میں اضافہ ہوا۔

مزید پڑھیں:  افواج پاکستان سرحدوں کی حفاظت کی ضامن اور ہمارا فخر ہے،پرویزالہیٰ

جواب چھوڑیں

آپ کا ای میل ایڈریس شائع نہیں کیا جائے گا.