گرمی کے موسم میں پسینہ بہت آتا ہے، کیا کریں؟

57

گرمی کے موسم میں پسینہ آنا ایک عام سی بات ہے لیکن اگر یہی پسینہ ضرورت سے زیادہ آنے لگے تو پریشانی کا سبب بن جاتا ہے اور اس کی وجہ سے پیش آنے والی سب سے بڑی مشکل ہے پسینے کی گندی بدبو۔

اس بدبو سے جان چُھڑانا تب تک ممکن نہیں جب تک پسینے کو کم نہ کیا جائے، اس مشکل سے نجات کے لئے آج آپ کو ایک ایسا نسخہ بتانے جا رہے ہیں جو پسینہ کم بھی کرے گا اور اس کی بدبو سے بھی نجات دِلائے گا۔

نسخے میں استعمال ہونے والے اجزاء:

عرقِ گلاب، لونگ، لیموں، تلسی کے پتے اور بیج، گلابی پھٹکری۔

طریقہ:

• ایک پتیلی میں عرقِ گلاب ڈال کر اسے گرم کریں۔
اب اس میں 8 لونگ شامل کریں۔
• اس میں آدھا لیموں نچوڑ لیں۔
• اور اس پانی میں 30 تلسی کے پتے اور بیج توڑ کر ڈال دیں۔
• پھر اس پانی کو چولہے سے اُتار لیں اور آخر میں اس میں آدھا چائے کا چمچ پسی ہوئی گلابی پھٹکری شامل کریں۔

فوائد:

یہ ایک ایسا نسخہ ہے جس کو آپ نہانے کے بعد روزانہ استعمال کر سکتے ہیں، نہانے کے بعد جسم پر اس کا اسپرے کریں، اس کے استعمال سے نہ ہی پسینہ زیادہ آئے گا اور نہ ہی پسینے کی بدبو اور آپ کی یہ مشکل فوری ختم ہو جائے گی۔

مزید پڑھیں:  یونان کشتی حادثے میں بچ جانے والوں سے پوچھ گچھ جاری ہے، ترجمان دفتر خارجہ
جواب چھوڑیں

آپ کا ای میل ایڈریس شائع نہیں کیا جائے گا.