’ڈائمنڈ برج‘ دل دہلا دینے والا نظارہ لوگوں کی توجہ کا مرکز
یورپی ملک جارجیا نے نت نئے اور سنسنی خیز ایڈونچر کے شوقین سیاحوں کے لیے ایک اور سیاحتی مقام قائم کردیا۔
جارجیا کے سالکا خطے میں داشباشی وادی کے درمیان پیدل چلنے والوں کے لیے 240 میٹر لمبا پل سیاحوں کے لیے کھول دیا گیا ہے۔
یہ سیاحتی مقام صرف ان لوگوں کے لیے مخصوص ہو سکتا ہے جو سنسنی خیز ایڈونچر کا جذبہ رکھتے ہوں۔
ڈائمنڈ برج کے نام سے بنائے گئے پل کا دل دہلا دینے والا نظارہ لوگوں کی توجہ کا مرکز بن گیا ہے۔
یہ پل نہ صرف 240 میٹر طویل ہے بلکہ سطح زمین سے 280 میٹر بلند بھی ہے۔
فرش پر کچھ مقامات پر شفاف شیشے لگے ہونے کے باعث سیاحوں کے پیروں تلے جنگل کے نظارے بیک وقت مسحور کن بھی ہوتے ہیں اور خوفزدہ کردینے والے بھی۔
صرف یہی نہیں، 240 میٹر طویل اور 280 میٹر کی بلندی پر واقع اس پل کے ساتھ ہی زپ لائن پر سائیکل چلانا یقیناً سنسنی خیز اور یادگار تجربہ ہوگا۔
#Georgia #kassland– People ride bikes on a zip line next to a 240-meter long glass bridge over the Tsalka canyon in the middle outside the city of Tsalka. pic.twitter.com/jtBtnYhEbz
— Aşörtmen (@Gencerate) June 17, 2022
اس پل کو بنانے کا مقصد سنسنی کے متلاشی سیاحوں کو راغب کرنا تھا جو قدرتی ماحول کو فروغ دینے کے ساتھ ساتھ جنگل میں مہم جوئی سے لطف اندوز ہونا چاہتے ہیں۔
ڈائمنڈ برج جارجیائی-اسرائیلی کاس سرمایہ کاری گروپ نے 37 ملین یورو کی لاگت سے تین سال کے عرصے میں تعمیر کیا ہے۔
پل بنانے والی کمپنی نے دعویٰ کیا ہے کہ یہ دنیا کا سب سے طویل اور سب سے اونچا فری ہینگ پل ہے۔
