بھارت میں گول گپے بیچنے والا مودی کا ہمشکل

8

میڈیا رپورٹس کے مطابق بھارتی وزیر اعظم نریندر مودی کے ہمشکل انیل بھائی ٹھاکر کا تعلق گجرات سے ہے جن کا پیشہ گول گپے کی دوکان ہے۔ ان کی وجہ شہرت بھارتی وزیراعظم نریندر مودی سے مشابہت ہے جس کی وجہ سے ان کی دوکان پر کافی لوگوں کا تانتا بندھا رہتا ہے۔
انیل گجرات میں ’تلسی پانی پوری سینٹر‘ نامی دوکان کے مالک ہیں۔ مقامی لوگ انہیں پی ایم مودی کے نام سے پکارتے ہیں کیونکہ ان کا حلیہ وزیر اعظم سے بہت ملتا ہے۔یہاں تک کہ ان کا لباس، چشمہ، بالوں اور سفید داڑھی کا انداز بھی نریندر مودی سے متاثر ہے۔
انیل جوناگڑھ کے رہنے والے ہیں۔ یہ دکان ان کے دادا نے شروع کی تھی جبکہ انیل اس وقت 18 سال کے تھے جب انہوں نے اسی دوکان پر گول گپے بیچنا شروع کیے۔
71 سالہ انیل نے مقامی میڈیا سے گفتگو کرتے ہوئے بتایا کہ گاہک اکثر ان کی شکل کی وجہ سے ان کے ساتھ سیلفی لیتے رہتے ہیں۔ انہوں نے کہا کہ مجھے وزیراعظم مودی سے مشابہت کی وجہ سے مقامی لوگوں اور سیاحوں دونوں سے بہت پیار اور محبت ملتی ہے۔
انہوں نے مزید کہا کہ وہ وزیر اعظم سے بہت متاثر ہیں اور جس طرح وہ صفائی پر زور دیتے ہیں اسی طرح وہ بھی اپنی دوکان کو صاف ستھرا رکھتے ہیں

مزید پڑھیں:  پاکستان کی جانب سے بجٹ منظوری کا مرحلہ دو روز میں مکمل کیے جانے کا امکان
جواب چھوڑیں

آپ کا ای میل ایڈریس شائع نہیں کیا جائے گا.