دنیا کی تیز ترین مرچیاں ایک ساتھ کھانے کا نیا ریکارڈ قائم

35

شاید آپ کو یقین نہ آئے کہ دنیا کی ہولناک اور تیزترین مرچیوں کو زیادہ سے زیادہ تعداد کھانے کا ایک نیا ریکارڈ کیلیفورنیا کے ایک شخص نے قائم کیا ہے۔ جبکہ عام افراد اس مرچی کا ایک ٹکڑا بھی نہیں کھاسکتے۔

گریگری فوسٹر نے 8.72 سیکنڈ میں  کیرولائنا ریپر نامی تین مرچیاں کھائیں جو عام حالات میں ممکن ہی نہیں ہے۔ اگرچہ انہوں نے مجموعی طور پر 6 مرچیاں کھائی تھیں لیکن پہلی تین مرچیوں کو ایک نئے ریکارڈ میں شامل کیا گیا ہے۔

گریگری نے یہ ریکارڈ سان ڈیاگو میں واقع سی پورٹ شاپنگ سینٹر میں انجام دیا جہاں انہیں دیکھنے کے لیے بہت سے تماشائی بھی موجود تھے۔

اس سے قبل مائیک جیک نامی ایک شخص نے 9.72 سیکنڈ میں ایسی ہی تین مرچیاں کھائی تھیں اور گریگری نے اس ریکارڈ کو ایک سیکنڈ سے توڑا ہے جو اب کافی برس تک بطور ایک ریکارڈ قائم رہے گا۔

واضح رہے کہ عام مرچیوں کی شدت کو اسکویلی ہیٹ یونٹس (ایس ایچ یو) کے طور پر بیان کیا جاتا ہے۔ عام مرچیوں کا ایس ایچ یو 2500 سے 8000 تک ہوسکتا ہے جبکہ کیرولائنا ریپر کی ایس ایچ یو شدت 1,641,183 تک ہوتی ہے جسے زبان پر رکھنا بھی محال ہوتا ہے۔ یہی وجہ ہے کہ فطرت کی یہ سب سے تیزترین مرچ بھی ہے۔

کیرولائنا ریپر مرچ زبان پر رکھنا بھی محال ہوتا ہے اور اسے کھانے والے کئی افراد جلن کی شدت سے چیخنے لگتے ہیں، قے کردیتے ہیں اور بار بار پانی مانگتے ہیں۔ ایسے افراد کو ہسپتال بھی لے جایا جاتا ہے۔ اس کا ایک اور خوفناک اثر شدید دردِ سر کی صورت میں بھی ظاہر ہوتا ہے۔

مزید پڑھیں:  نیم ہزار فائدے لئے قدرت کا نمول تحفہ

جواب چھوڑیں

آپ کا ای میل ایڈریس شائع نہیں کیا جائے گا.